APNIP долбоорунун алкагында үстүбүздѳгү жылдын 5-августунда Ысык-Кѳл облусунун Жети-Ѳгүз районунун Тамга айылында “Бүткүл дүйнөлүк эмчек эмизүү жумалыгына” карата “Эне сүтү – жашоонун маңызы” аттуу темада акция уюштурулду. Иш-чара Тамга айылынын Үй-бүлѳѳлүк ден-соолук топтун алдында өткөрүлдү. Эне баланы коргоо боюнча Жети-Ѳгүз районунун координатору Атакеева Чынара жалаң гана эмчек эмизүүнун балдардын ден-соолугуна болгон пайдасы жөнүндө айтып берди.

Акциянын алкагында #APNIP долбоорунун активисттери медицина кызматкерлери менен биргеликте уюштурган “Аяй аталар” конкурсуна 5 үй-бүлө катышып, балдардын ден-соолугун чыңдоо, жалаң гана эмчек эмизүүнүн мааниси боюнча ат салышып, аталардын үй-бүлѳөгө болгон камкордугун көрсөтүштү. Чоң ата, чоң энелер, “кайын эне-кайын ата” тарабынан неберелеринин ден-соолугуна туура жана туура эмес жасаган мамилелери жөнүндө интермедияларды аткарышты.

Мындан тышкары катышуучуларга жалаң гана эмчек эмизүү боюнча суроо-жооп викторинасы ѳткѳрүлүп, активдүү катышкандарга белектер тапшырылды.

Сынактын жүрүшүнѳ калыстар тобунун курамына кирген Жети-Өгүз райондук Үй-бүлѳѳлүк медицина борборунун директорунун орун басары – Чолпон Мамбетказиева, Тосор айылынын ҮДТсынын башчысы, коомдук уюмдар жана айылдын аксакалдары баа беришти. Жеңүүчүлөргө берилген белектер APNIP долбоорунан каржыланды. Акцияны айыл ѳкмѳт тарабынан уюштурулган шайыр апалардын концерти коштоп, абдан көңүлдү өттү.

Иш-чаранын аягында Тамга айыл ѳкмѳтүнүн башчысы APNIP долбоору тарабынан жасалып жаткан иштерди жана кѳрсѳтүлүп жаткан жардамдарды баса белгилеп, долбоордун активистерине, кызматкерлерине ыраазычылыгын билдирип, мындан ары ден-соолук маселелери боюнча долбоордун иштерине колдоо көргөзөѳрүн баса белгиледи.

#Бүткүлдүйнөлүкэнесүтүмененбагуужумалыгы #APNIPдолбоору

{gallery}jetioguz{/gallery}