Аламүдүн райондук суу чарба башкармалыгы тарабынан Суймонкул Чокморов айылына караштуу Октябрь айылындагы P-7 каналынын 1,5 чакырым тилкесине бетон полотно төшөө иштери толугу менен аяктады. Жалпы аянты 13 675 чарчы метрди түзгөн бетон каптоо жумуштары 100 пайыз бүткөрүлдү.
Учурда канал аркылуу 2 700 гектар айыл чарба жерин сугат суу менен камсыздоого толук мүмкүнчүлүк түзүлдү. Бул иштер аймактагы сугат системасынын натыйжалуулугун жогорулатып, суу жоготууларын азайтууга жана дыйкандарды үзгүлтүксүз сугат суу менен камсыздоого өбөлгө болот.
Мындан тышкары, P-7 каналынын кошумча 0,8 чакырым тилкесине жалпы аянты 7 220 чарчы метр болгон бетон полотно төшөө иштери 2026-жылдын IV кварталына пландалган.
