Кадамжай райондук суу чарба башкармалыгы тарабынан Молдо-Нияз айыл аймагындагы Алга айылында 200 гектар жерди бакка айлантуу максатында тамчылатып суугаруу системасын орнотуу иштери башталды.
Бүгүнкү күндө суугаруу системасына керектелүүчү түтүктөр жана башка жабдуулар кампага жеткирилди. Мындан сырткары, бул жер тилкесин үзгүлтүксүз суу менен камсыздоо үчүн эки даана тике кудук (СВД) казуу иштери пландалган, курулуш иштери кызуу жүрүүдө.
Бүгүнкү күнгө карата биринчи тике кудук 140 метр тереңдикте казылып, обсадной түтүктөр орнотулду. Экинчи кудукту казуу иштери да башталып, тийиштүү жабдуулар тартылды.
Бул долбоор Кадамжай районунда суу ресурстарын рационалдуу пайдаланууга өбөлгө түзүп, айыл чарба жерлерин натыйжалуу өздөштүрүүгө жана продуктивдүүлүктү жогорулатууга чоң салым кошмокчу. Тамчылатып суугаруу системасы аркылуу суунун үнөмдүүлүгү камсыздалып, эгиндерге жеткиликтүү влага берүү шарттары жакшырмакчы.
