Кадамжай районунда дыйкандар үчүн абдан маанилүү болгон "Ууру-Сай" жаңы каналынын курулушу башталды. Бул ирригациялык долбоор Кадамжай райондук суу чарба башкармалыгы тарабынан ишке ашырылууда.
Учурда 2500 метр аралык казылып, түтүктөр орнотулууда.
Долбоор толук ишке ашырылгандан кийин жаңы курулган канал Гороту каналына кошулуп, анын сугат мүмкүнчүлүгүн жогорулатат. Натыйжада, Бирлик айыл аймагынын Сур, Моло, Чечме, Ормош, Тескей жана Бел айылдарындагы жалпысынан 800 гектар аянт сугат суу менен туруктуу камсыздалат.
Мындан сырткары, Кадамжай районунда айыл чарбасын өнүктүрүүгө багытталган дагы бир маанилүү долбоор ишке ашырылууда. Райондук суу чарба башкармалыгы тарабынан 200 гектар жерди өздөштүрүп, ал жерге бак отургузуп, заманбап тамчылатып сугаруу системасын орнотуу иштери башталды.
Бүгүнкү күндө биринчи кудук 140 метр тереңдикке чейин казылып бүтүп, түтүктөрдү орнотуу иштери жүрүп жатат.
Бул иш-чаралар сугат суунун жетишсиздигинен жапа чегип келген фермерлерди.
таза суу менен камсыз кылууга жана түшүмдүүлүктү жогорулатууга өбөлгө түзөт. Муну менен бирге, аймактагы бакча чарбасын өнүктүрүү үчүн жаңы мүмкүнчүлүктөр ачылууда.