Суу ресурстары, айыл чарба жана кайра иштетүү өнөр жайы министрлигине караштуу Суу ресурстары кызматынын түзүмдүк бѳлүмдѳрү тарабынан жазгы ным топтоо сугатында республика боюнча 270 миң га жерди сугаруу пландалды.
Бүгүнкү күндө жазгы ным топтоо сугаты Ош, Баткен жана Жалал-Абад облустарында башталып, 7927 га жер сугарылды.
Калган облустарда март айынын экинчи жана үчүнчү декадасында башталары күтүлүүдө.
Ным топтоо сугаттары - өсүмдүктөрдүн вегетация мезгилинин башында көп өлчөмдө суу алуу ыкмасы, бул алардын өсүшүн жана өнүгүүсүн жакшыртат. Мындай сугаруу тамырдын өсүшү үчүн оптималдуу шарттарды түзүүгө жардам берет, айрыкча кургакчылык же жаан-чачын аз болгон мезгилде. Бул өсүмдүктөрдү нымдуулук менен натыйжалуу камсыз кылат, алардын стресске туруктуулугун жогорулатат, тез-тез сугарууга болгон муктаждыкты азайтат жана топурактын түзүлүшүн жакшыртат. Нымдуу сугаруу жашылча өсүмдүктөрү, жемиш бактары жана көп жылдык өсүмдүктөр үчүн өзгөчө пайдалуу.
